لكن بئة لقيت ان انا ومن تجارب كتيرة اوى بعون الله مفيش حد يعرف يعمل طبق الفول زى العبد لله وكمان انا شايف كل الاكل اللى مكلف اوى ولازم نحس شوية بالناس الشقيانة
بسم الله نبدأ
هبدأ اولا باسهل واشهر طريقة
ممكن نسميه الفول النورمال
بص من غير مقادير بئة وكتر كلام انت تجيب الكمية المناسبة من الفول سواء دمستها فى البيت اشتريت براحتك ويفضل تدمس فى البيت طبعا لو تعرف المهم تجيب الكمية المناسبة من الفول وتضعها فى طبق وتضيف كمية بسيطة جدا من الزيت حار او عادى حسب الرغبة طبعا كمية بسيطة مش توفير لا عشان ده احسن للمذاق وللصحة وبعد كدا تضيف كمية مناسبة من الملح وياريت متزودش الملح بعد كدا تضيف كمية من الكمون وتقدر تزود براحتك بعد كدا تضيف كمية بسيطة من الشطة بعد كدا شوية طحينة بئة وتقلب تقليب خفيف لحد لما تلاقى كل الحاجات اللى فاتت ده اختلطت ببعضها بعد كدا تجيب لمونة حلوة كدا وتعصرها عليه وطبعا الليمون هنا افضل بكتير انك تزوده وتقلل من الملح وياسلام لو نقطة خل كمان نقطة واحدة بالظبط انا مش مسؤل لو حد ضاف اكتر بعد كدا بئة هنيجى لاهم خطوة لان كل اللى فات كلكو عارفينه اهم خطوة طريقة التقليب بئة لانها فعلا هتفرق كتير فى المذاق اولا تمسك المعلقة وتهرس الفول فولاية فولاية عشان الهضم يبئة سهل بعد كدا تقعد تقلب فيه وتبتكر طرق تقليب جديدة لمدة عشر دقايق كدا والعلامة اللى هتخليك تتوقف عن التقليب انك متلاقيش اثر للزيت او الليمون ساعتها بس اقدر اقولك كل بالهنا والشفا اما غير كدا اوعى تقف عن التقليب وبالهنا والشفا مع بعض البيض المسلوق والعيش الطازج والجرجير ويفضل قطعة من الجين الابيض
وبالهنا والشفا مع احلى فطار
pinky مديره عامه
عدد الرسائل : 726 تاريخ التسجيل : 01/04/2008
موضوع: رد: فول مش معقووووول !!! الإثنين أبريل 21, 2008 9:23 am
هههههههههههههههههههههههههههه ايه ده يا حازم انت حتوفر على مراتك تعب الطبخ يا سلام بس شكله حلو الفول الى انت عملته ده وطريقة حلوة انا حبقى اجربها تسلم ايدك يا حازم
Zooma my dream
عدد الرسائل : 711 العمر : 40 تاريخ التسجيل : 04/04/2008